Уредник: АНДРЕЈ ШЕВЧЕНКО
Апсолутно е потребно да ја разберете суштината на овој текст. Тој е наменет за да го пополни просторот десно од фотографијата, со цел оваа страница да изгледа богато и да им се допадне на сите што ќе дојдат да ја прочитаат.

Тука можам да напишам многу работи за мене како: колку години имам, каде сум роден, кое е моето хоби, каде излегувам, со кого се дружам, што сум во хороскоп... но нема.

Kога ќе размислам повеќе, Вие многу добро ме знаете. И јас ве познавам Вас.

Она што нè поврзува се сличните интереси за технологија, музика, видеа, хумор и забава, а тоа е суштината на оваа веб-страница. Да не бевте вие и вашите интереси таа денес немаше да постои, па затоа ви препишувам голем удел во нејзиното работење.

За крај, би сакал да ви се заблагодарам за трпението и искрено се надевам дека ќе продолжите да се интересирате за 365.com.mk и во иднина, како што тоа го правевте досега. Поздрав!

п.с. Да, ова е моето вистинско име, немам роднински врски со фудбалерот од Украина и НЕ - нема да ви испратам скенирана копија од пасош или лична карта по e-mail.


Заменик на уредникон погоре: МЕНЧЕ ЗДРАВКОВА (статии)

Возраст: Дваесет и нешто 
Живeе во: Прилеп
(Пре)окупација: Виртуелен патник, Мисловен скитник, Стар Трек фанатик, колекционер на непотребни информации, (поранешен) книжен молец,(иден) компјутерски гик...
Хоби и сè останато: вози точак, вежба јога, освојува (ниски) планински врвови, има куче, анализира, прави колажи, учи фотошоп, набројува, (става зборови во загради), сака животни,  се вљубува во убави нешта, фотографии, музика, филмови...



ЗЛАТИЦА ПЕТКОВСКА (статии)

Златица сака сè и сешто... Најмногу убави нешта.

Чита сè и сешто... Најмногу убави нешта.

Пишува сè и сешто... Најмногу на 365 и во Life магазин.



ОГНЕНА КОСТОВА (статии)

Ce qu'on dit de soi est toujours poésie. - Ernest Renan







ИРЕНА РОГОВСКА (статии)
Астролозите велат дека сум родена со Сонце во знакот на Овен(не по моја волја) што ме прави просечен овновско-битолски бунтовник дојден во Скопје да се допросветува на ПМФ.

И да не беше овој интернетов заразен сега може ќе си ја носев титулата Дипл. Инг. пред името, а може ќе размислував и за М-р, Д-р, П-р...




ДУШКО ЗАФИРОВСКИ (статии)

Генерацијата '85. Живее во северниот дел на Скопје. Ведар, позитивен, знае вицови. Заинтересиран за дизајн и цртање. Голем фан на LOST(посакува да е дел од Островот). Обожавател на добра музика. Ноќна птица. Филмоман, стрипоман и сурфер(сега за сега само на нет:). Никогаш неуморен - освен кога е уморен!





ДЕЈАН ВЕЛКОСКИ (статии)

Роден: далечната ’83. Живее во Волково.
Преокупиран е со: Музика, даунлодирање серии, штракање по тастатура, пак музика, Арсенал, daydreaming, бројот 4, кучето Мила и најпосле - музика.
Хоби и сл.: Планинарење, возење точак, трчање, пишување 4 точки наместо 3 и сè останато што ги нервира нормалните луѓе....



МАРТИН МАРКОВСКИ (статии)
Професионален ИТ зависник, секогаш ги одложува обврските и чека до последниот краен рок (општо познато како 5 до 12), поддржувач и корисник на Слободен софтвер, често несериозен и неорганизиран, хумористичен на специфично неразбран начин и вечно ненаспан. Во последно време навлечен на Twitter и Last.Fm...

< Претходна		Следна >