Иако сличноста е преголема за да се одмине идејата дека станува збор за апсолутен плагијат на можеби една од најпознатите светски скулптури - Њујоршкиот „Бик во напад“, Скопје деновиве доби 10 9 „уникатни“ скулптури во форма на просјак, чистач на чевли, шмизла, бик, како и неизбежната “жена со гитара“.


Скулптурите, кои се дел од проектот за поставување 35 скулптури во центарот на градот, ги промовира министерката за култура Елизабета Канческа-Милевска.

На улицата Македонија претставени се скулптурата "Бик" на авторот Дарко Дуковски, ", "ЕЕЕЈ" на Димитар Филиповски, како и "Маски" од Ристо Станковски, "Чистач на чевли" од Елена Дуковска и "Просјак" од Наташа Бужарова.

Пред хотелот Холидеј ин, поточно кај Ирскиот паб, презентирана е скулптурата "Жена со гитара" од авторот Синиша Новевски, а на кејот, "Бесконечна циркулација" од Сашо Саздовски.

Пред зградата на Македонската опера и балет е поставена скулптурата "Балерина" од Зоран Тошевски и "Космо интеграла 2008" од Антони Мазневски.

Со овие 10, Скопје веќе доби 17 од предвидени 36 скулптури кои треба да го разубават центарот. Преостанатите ќе бидат поставени за три месеци. Сите скулптури заедно чинат нешто над 1 милион евра.

Владата освен скулптури, наскоро планира да постави и 17 споменици - проект вреден 8 милиони евра.  Макфакс и А1

---

< Претходна		Следна >