365.com.mk | Нови ток-шоу војни (видеa)

Статии

Нови ток-шоу војни (видеa)

Јан 18 |11:22 am

Петнаесетина години по почетокот на првите ток-шоу војни, започнаа и втори. Овојпат, меѓу (актерот во првите) Џеј Лено и далеку помладиот Конан О’Брајан. До каде ќе оди битката, останува да видиме.

Откако стана извесно дека Џеј Лено ќе се врати во стариот термин на NBC во 23:30, започна и поларизацијата помеѓу него и новиот водител на The Tonight Show Конан О’Брајан. Заедно со нив, се поделија и голем дел од обичните луѓе, славните личности и јавни лица во Америка. Главната забелешка на сите е што за шоу кое траеше само 7 месеци, Конан се пресели од Њујорк во Лос Анџелес, заедно со семејството, целата екипа и нивните семејства. Сепак, парите пред сѐ, нели?

Песна направена од поддржувачите на Конан О’Брајан

На почетокот, кога сите овие случувања беа само гласини, обајцата ги прифатија на шега

Но, подоцна, нештата станаа посериозни. Во една од (веројатно) последните епзиоди на The Tonight Show со Конан О’Брајан, тој, веднаш по излегувањето на сцена рече: „Сакам да им се обратам на сите деца со сништа што ме гледаат. - Можете да бидете што ќе посакате во животот. Освен ако и Џеј Лено не сака да биде истото!“.

Веднаш се појавија масовни движења како поддршка за Конан О’Брајан, кои организираа протести, испраќаа пошта до телевизиската куќа NBC, т.е. направија сѐ што беше возможно за да го искажат својот револт. (Доколку сакате и вие да ја изразите поддршката, зачленете се во фејсбук групата посветена на тоа). Во овие движења вклучени се и Метју Пери и Алиса Милано, но од друга страна, на страната на Џеј застанаа Џери Сајнфелд и Кевин Смит.

Џими Кимел на гости кај Џеј Лено се подбива со неговите потези

Џеј Лено го објавува своето заминување во 2004 година
(убаво е кога луѓето си стојат на зборот, нели?)